<back | Page 99 | next>
ELEGIA XX.
AD GALLUM.
Hoc pro continuo te, Galle, monemus amore,
Id tibi ne vacuo defluat ex animo:
Saepe imprudenti fortuna occurrit amanti.
Crudelis Minyis dixerit Ascanius.
Est tibi non infra speciem, non nomine dispar,
Thiodamanteo proximus ardo Hylae.
Huic tu, sive leges umbrosae flumina sylvae,
Sive Aniena tuos tinxerit unda pedes,
Sive Gigantea spatiabere littoris ora,
Sive ubicumque vago fluminis hospitio;
O Galle, istud te admonemus pro nostra necessitudine nunquam intermissa, ut illud tibi ex otiosa memoria non excidat. Frequenter incauto amatori adversa Fortuna occurrit; infestus Minyis testis fuerit Ascanius. Est tibi amor pulchritudine non inferior, nec nomine impar, proxime accedens ad Hylam Thiodamanteum. Jam vero, seu iter facias secus fluvium nemoris umbriferi, seu aqua Aniena pedes tuos alluerit, seu deambulabis juxta littus in regione Gigantea, seu quocumque errabundo
