M. Valerii Martialis Epigrammata Liber XIV

<back | Page 23

CCXXI. Craticula cum veribus

Rara tibi curva craticula sudet ofella;
Spumeus in longa cuspide fumet aper.

Exigua ofella tibi sudet in curua craticula: spumeus uero aper fumet in longo ueru.

CCXXII. Pistor dulciarius

Mille tibi dulces operum manus ista figuras
Extruet: huic uni parca laborat apis.

Ista manus tibi format mille dulces figuras operum: parca apis laborat huic uni.

CCXXIII. Adipata

Surgite: iam vendit pueris ientacula pistor
Cristataeque sonant undique lucis aves.

Surgite, iam pistor uendit ientacula pueris, et cristatae aues diei cantant undique.

<back | Page 23