Page 1 | next>
Ode I.
Motum ex Metello consule ciuicum
bellique causas et uitia et modos
ludumque Fortunae grauisque
principium amicitias et arma
nondum expiatis uncta cruoribus, 5
periculosae plenum opus aleae,
tractas et incedis per ignis
suppositos cineri doloso.
Paulum seuerae Musa tragoediae
desit theatris; mox, ubi publicas 10
res ordinaris, grande munus
Cecropio repetes coturno,
insigne maestis praesidium reis
et consulenti, Pollio, curiae,
* * *
cui laurus aeternos honores
Delmatico peperit triumpho. 15
Cui laurea immortale paravit decus in triumpho Dalmatico.
Iam nunc minaci murmure cornuum
perstringis auris, iam litui strepunt,
iam fulgor armorum fugacis
terret equos equitumque uoltus. 20
Iamiam aures verberas minaci tubarum sonitu: iam clangunt litui: iam splendor armorum percellit equos fugientes, et equitum faciem.
Audire magnos iam uideor duces
non indecoro puluere sordidos
et cuncta terrarum subacta
praeter atrocem animum Catonis.
Iam videor audire summos principes glorioso pulvere squalidos, omnemque terrarum orbem domitum, excepto Catonis animin victo.
Iuno et deorum quisquis amicior 25
Afris inulta cesserat impotens
tellure, uictorum nepotes
rettulit inferias Iugurthae.
Iuno aliique Dii Africanis faventes demigrārant impares, terrā illā non vindicata; et modo victorum posteros Iugurthae immolarunt inferias.
Quis non Latino sanguine pinguior
campus sepulcris impia proelia 30
testatur auditumque Medis
Hesperiae sonitum ruinae?
Quis ager pignior Latinorum cruore non exhibet tumulis infanda certamina, et cadentis Italiae fragorem Medis auditum?
Qui gurges aut quae flumina lugubris
ignara belli? Quod mare Dauniae
non decolorauere caedes?
Quae caret ora cruore nostro? 35
Quae vorago, quive fluvii non noverunt pugnas funestas? Et eius maris colorem non mutārunt Itaicae strages? Quae regio non imbuta nostro sanguine?
Sed ne relictis, Musa procax, iocis
Ceae retractes munera Neniae,
mecum Dionaeo sub antro
quaere modos leuiore plectro. 40
Verum, ô Musa audacior, ne dimissis ludis, Ceos luctus reponas; mecum poius sub Dionaeo specu tenta modulos pectine leviori.
Page 1 | next>
