XIX. SEDATUS RHETOR TOLOSANUS
RELIGIO est, tacitum si te, Sedate, relinquam,
quamuis docendi munus indepte es foris.
Religioni duco te praeterire indictum, o Sedate: etsi sortitus es docendi prouinciam extra patriam.
communis patria est tecum mihi : sorte potentis
fati Tolosam nanctus es sedem scholae.
Eadem est patria mihi et tibi: decreto fortis Fortunae Tolosa tibi contigit ubi doceres.
illic coniugium natique opulensque senectus 5
et fama, magno qualis est par rhetori.
Ibi habuisti connubium, liberos, et diuitem senectam, et nomen dignum Rhetore egregio.
quamuis externa tamen a regione reducit
te patria et ciuem morte obita repetit:
cumque uagantem operam diuisae impenderis urbi,
arbitrium de te sumit origo suum. 10
Patria tua reuocat te, quanquam ab extranea sede, et repetit te ciuem suum mortuum: cumque exercueris in remota ciuitate desultorium docendi munus, locus tui ortus repetit te pro iure suo.
**est tua nunc soboles moremque secuta parentis
Narbonem ac Romam nobilitat studiis ;
- * * * * * * * * * * * * * * * * * * * * sed
fama, uelit nolit, Burdigalam referet.**
Sunt tibi nunc filii, qui imitati exemplum patris, illustrant Narbonem, et Romam sua doctrina. * * * at fama siue uelit, siue nolit, asseret te Burdigalae.
