D. Magni Ausonii Liber Professorum

Page 1 | next>

PRAEFATIO.

Vos etiam, quos nulla mihi cognatio iunxit,
sed fama et carae religio patriae,
et studium in libris et sedula cura docendi,
commemorabo uiros morte obita celebres.

Vos quoque celebrabo, uiros inclytos fato functos, quos nulla consanguinitas mecum coniunxit, sed fama et caritas dilectae patriae, et studium in libris positum, et assidua opera in docendo.

fors erit, ut nostros manes sic adserat olim, 5
exemplo cupiet qui pius esse meo.

Forsan eueniet, ut aliquando ab obliuione uindicet Manes meos aliquis, qui uolet pius esse ad instar mei.

Page 1 | next>